എരുവപ്രക്കുന്നില്‍ പന വീണ് വീട് തകര്‍ന്നു

എടപ്പാള്‍: മേഖലയില്‍ കാറ്റിലും മഴയിലും നാശനഷ്ടങ്ങള്‍ തുടരുന്നു.
ഇന്നലെ എരുവപ്രകുന്ന് കുണ്ടുകുളങ്ങര ഉഷയുടെ വീട് പന വീണ് തകര്‍ന്നു. ഇന്നലെ രാവിലെ ഒന്‍പത് മണിയോടെയാണ് അപകടം നടന്നത്. വീട്ടുകാര്‍ പരിക്കേല്‍ക്കാതെ രക്ഷപ്പെട്ടു. എരുവപ്രകുന്ന്, കാന്തള്ളൂര്‍, വെങ്ങിനിക്കര മേഖലയില്‍ കനത്ത കാറ്റില്‍ വൈദ്യുത കാലുകള്‍ തകര്‍ന്നു. വൈദ്യുതി പുനഃസ്ഥാപിക്കാനുള്ള ശ്രമങ്ങള്‍ വൈകിയും തുടരുകയാണ്. കഴിഞ്ഞ ദിവസവും മേഖലയില്‍ മരങ്ങള്‍ വീണ് വീടുകള്‍ക്ക് നാശം സംഭവിച്ചിരുന്നു.