റിയാദ്: സഊദിയയിലെ ഉനൈസയിൽ നിരവധി ഗര്ഭിണികളടക്കം നിരവധി നഴ്‌സുമാർ അടിയന്തിര സഹായം കാത്ത് കിടക്കുന്നു. ഇവിടെ ആശുപത്രിയിൽ ജോലി ചെയ്‌തിരുന്നവരിൽ ഏതാനും പേർക്ക് വൈറസ് ബാധ സ്ഥിരീകരിച്ചതോടെയാണ് നഴ്‌സുമാർ ഉൾപ്പെടെ ബാക്കിയുള്ള മുഴുവൻ ജീവനക്കാരെയും ഐസൊലേഷനിൽ പാർപ്പിച്ചിരിക്കുന്നത്. ഇവരിൽ 27 ലധികം വരുന്ന ഗര്ഭിണികളാണ് സഹായം ആവശ്യപ്പെട്ടു രംഗത്തെത്തിയത്. ഇവരിൽ തന്നെ പത്തിലധികം പേരും ഒമ്പത് മാസം അടുത്തെത്തിയവരാണ്. ഇവരാണ് ഉടൻ സഹായം ആവശ്യമായിട്ടുള്ളവർ. ഇവരുടെ കൂടെയുള്ള മറ്റു രാജ്യക്കാരെ ഇതിനകം തന്നെ അവരുടെ എംബസികൾ ഇടപെട്ട് സ്വദേശങ്ങളിലേക്ക് മടക്കി അയച്ചിട്ടുണ്ട്.

[video width="640" height="352" mp4="http://suprabhaatham.com/wp-content/uploads/2020/04/VID-20200421-WA0178.mp4"][/video]

       ഉനൈസയിലെ കിംഗ് സഊദ് ആശുപത്രിയിലെ ജീവനക്കാരാണ് ഐസൊലേഷനിൽ കഴിയുന്നത്. നേരത്തെ ഇവിടെ വൈറസ് ബാധിതരെ ചികിത്സക്കായി പ്രവേശിപ്പിച്ചിരുന്നു. ഇവരിൽ നിന്ന് ഏഴു മലയാളി നഴ്‌സുമാർക്കും രണ്ടു ഡോക്ടർമാർക്കും വൈറസ് ബാധയേറ്റതോടെ ഇവിടെ ജോലിയിലുണ്ടായിരുന്ന മുഴുവൻ ജീവനക്കാരെയും ഐസൊലേഷനിൽ പ്രവേശിപ്പിക്കുകയായിരുന്നു. ഇപ്പോൾ മറ്റു ആശുപത്രികളിൽ നിന്നുള്ളവരാണ് ഇവിടെ ജോലി ചെയ്യുന്നത്. നഗരത്തിൽ തന്നെയുള്ള ഹോട്ടലിയ്ക്കാണ് ഇവരെ മാറ്റിരിക്കുന്നത്. 450 ഓളം ജീവനക്കാരുള്ളവരിൽ നേരത്തെ നാട്ടിൽ പോയി തിരിച്ചു വരാൻ കഴിയാത്ത ഏകദേശം 50 ഓളം ജീവനക്കാർ ഒഴികെ ബാക്കിയുള്ളവരിൽ പകുതിയിലധികവും മലയാളി ജീവനക്കാരാണ്.

[video width="640" height="352" mp4="http://suprabhaatham.com/wp-content/uploads/2020/04/VID-20200421-WA0167.mp4"][/video]

     ഹോട്ടലിൽ ഇവരെ ഐസൊലേഷനിൽ ആക്കിയായതിനെ തുടർന്ന് മലയാളി നഴ്‌സുമാർ ഇന്ത്യൻ ഗവൺമെന്റിനോട് സഹായം ആവശ്യപ്പെട്ട് രംഗത്തെത്തിയിട്ടുണ്ട്. ഗർഭിണികളായവരിൽ  അത്യാവശ്യ ഘട്ടങ്ങളിൽ സഹായത്തിനു പോലും മറ്റാരും കൂടെയില്ല. ഐസൊലേഷനിൽ ആയതിനാൽ ഇവർക്ക് സഹായത്തിനായി ആരും രംഗത്തെത്താത്തതും ഇവർക്ക് ഏറെ ആശങ്കക്കിട നൽകുന്നുണ്ട്. പലവിധ അസുഖങ്ങൾ ഉള്ളവരും ഇക്കൂട്ടത്തിലുണ്ട്. ഏതു വിധേനയും നാട്ടിലേക്കെത്തിക്കണമെന്നാണ് ഇവരുടെ ആവശ്യം.