ന്യൂഡല്‍ഹി: ആരോഗ്യപ്രവര്‍ത്തകരെ ആക്രമിക്കുന്നത് ജാമ്യമില്ലാ കുറ്റമാക്കുകയും കടുത്ത ശിക്ഷയുറപ്പാക്കുകയും ചെയ്യുന്ന ഓര്‍ഡിനന്‍സിന് രാഷ്ടപതി രാംനാഥ് കോവിന്ദ് അംഗീകാരം നല്‍കി. ഇതു സംബന്ധിച്ച് കേന്ദ്ര സര്‍ക്കാര്‍ വിജ്ഞാപനം പുറപ്പെടുവിച്ചു. 1897ലെ പകര്‍ച്ച വ്യാധി നിയമത്തില്‍ ഭേദഗതി വരുത്തിയാണ് കേന്ദ്രസര്‍ക്കാര്‍ ഓര്‍ഡിനന്‍സ് കൊണ്ടുവന്നത്. ഗൗരവമില്ലാത്ത കുറ്റങ്ങള്‍ക്ക് മൂന്നു മാസം മുതല്‍ അഞ്ചു വര്‍ഷം വരെ തടവും 50,000 മുതല്‍ രണ്ടു ലക്ഷം വരെ പിഴയും ഗൗരവമുള്ള കുറ്റമാണെങ്കില്‍ തടവ് ആറുമാസം മുതല്‍ ഏഴു വര്‍ഷം വരെയും പിഴ ഒരുലക്ഷം മുതല്‍ അഞ്ചു ലക്ഷം വരെയും ശിക്ഷയുറപ്പാക്കുന്നതാണ് ഓര്‍ഡിനന്‍സ്.