ഗസിയാബാദ്: ഉത്തര്‍പ്രദേശിലെ ഗസിയാബാദില്‍ കടയിലെത്തുന്നവര്‍ക്ക് മൂത്രം കലര്‍ത്തിയ ജ്യൂസ് നല്‍കിയ കച്ചവടക്കാരനും പ്രായപൂര്‍ത്തിയാകാത്ത സഹായിയും അറസ്റ്റില്‍. മനുഷ്യമൂത്രം കലര്‍ത്തിയ ജ്യൂസ് വില്‍ക്കുന്നുവെന്ന ജനങ്ങളുടെ പരാതിയെ തുടര്‍ന്നാണ് അറസ്റ്റെന്ന് പൊലിസ് വ്യക്തമാക്കി. 

ലോണി ബോര്‍ഡര്‍ ഏരിയയില്‍ ജ്യൂസ് വില്‍പന നടത്തുന്ന ആമിര്‍(29) എന്നയാളെയാണ് പൊലിസ് അറസ്റ്റ് ചെയ്തത്. ജനങ്ങളുടെ പരാതിയെതുടര്‍ന്ന് പൊലിസ് കടയില്‍ നടത്തിയ പരിശോധനയില്‍ മൂത്രം നിറച്ച കന്നാസ് കണ്ടെടുത്തിയെന്ന് എസിപി അങ്കുര്‍ വിഹാര്‍ ഭാസ്‌കര്‍ വര്‍മ പറഞ്ഞു. ഇതുമായി ബന്ധപ്പെട്ട് ആമിറിനെ ചോദ്യം ചെയ്‌തെങ്കിലും തൃപ്തികരമായ മറുപടിയല്ല ലഭിച്ചതെന്നും, പ്രായപൂര്‍ത്തിയാകാത്ത ഒരാളെ കൂടി കസ്റ്റഡിയിലെടുത്തിട്ടുണ്ടെന്നും ഇക്കാര്യത്തില്‍ തുടര്‍നടപടികള്‍ സ്വീകരിച്ചുവരികയാണെന്നും വര്‍മ അറിയിച്ചു. ജ്യൂസ്, മൂത്രം തുടങ്ങിയവയുടെ സാമ്പിളുകള്‍ ഫോറന്‍സിക് പരിശോധനക്ക് അയച്ചിട്ടുണ്ട്.

In a disturbing case of food tampering, a juice vendor has been arrested for deliberately mixing human urine with juice, posing a significant risk to public health and safety.