പനമരം: പരമ്പാരഗത മീന്‍ പിടിത്തക്കാര്‍ക്കും കനത്ത ചൂട് നിരാശ നല്‍കുന്നു. ചൂട് കൂടിയതോടെ പുഴയിലെ മീനുകള്‍ ആഴമുള്ള ഭാഗങ്ങളിലേക്ക് ഉള്‍വലിഞ്ഞതാണ് മീന്‍ പിടിത്തക്കാരെ നിരാശരാക്കുന്നത്. ഇതോടെ പുഴമീന്‍ പിടിച്ച് ഉപജീവനം നടത്തുന്നവര്‍ പ്രതിസന്ധിയിലായിരിക്കുകയാണ്.
ഫെബ്രുവരി, മാര്‍ച്ച് മാസങ്ങളില്‍ കര്‍ണാടകയിലെ ഹാന്‍ഡ് പോസ്റ്റ്, ബൈരക്കുപ്പ എന്നിവടങ്ങളില്‍ കബനി പുഴയോരങ്ങളില്‍ ടെന്റ് കെട്ടി മത്സ്യബന്ധനം നടത്താറുണ്ടായിരുന്നു. എന്നാല്‍ ഇത്തവണ മീന്‍പിടിത്തക്കാര്‍ ഇതും ഉപേക്ഷിച്ച മട്ടിലാണ്. മുന്‍ വര്‍ഷങ്ങളില്‍ ഇത്രമാത്രം പരിതാപകരമായ അവസ്ഥ ഉണ്ടായിട്ടില്ലെന്നും ചൂട് വെള്ളത്തിന്റെ അടിയിലേക്കെത്തിയതായും പനമരത്തെ ഈ മേഖലയില്‍ പ്രവര്‍ത്തിക്കുന്ന അബ്ദുറഹ് മാനും,ഹുസൈനും പറഞ്ഞു.