ജലന്ധര്‍: പഞ്ചാബിലെ ജലന്ധറിലെ പത്താന്‍കോട്ട് ചൗക്കില്‍ ഇലക്ട്രിസിറ്റി സബ് സെന്ററിലുണ്ടായ തീപിടിത്തത്തില്‍ കോടികളുടെ നഷ്ടം. പഞ്ചാബ് സംസ്ഥാന ട്രാന്‍സ്മിഷന്‍ കോര്‍പറേഷന്റെ സബ് സെന്ററിലാണ് തീപിടിത്തമുണ്ടായത്.
തീപിടിത്തത്തിന് കാരണം വ്യക്തമല്ലെന്ന് അധികൃതര്‍ അറിയിച്ചു. പലതവണകളിലായുണ്ടായ സ്‌ഫോടനത്തിനൊടുവിലാണ് തീപിടിത്തമുണ്ടായത്. സ്‌ഫോടനവും തുടര്‍ന്ന് തീപിടിത്തവുമുണ്ടായതോടെ സമീപവാസികള്‍ പ്രാണരക്ഷാര്‍ഥം ഓടി രക്ഷപ്പെട്ടു. പേടികാരണം പലരും തങ്ങളുടെ വീടുകള്‍ ഉപേക്ഷിച്ച് പോയതായി പൊലിസ് അറിയിച്ചു. അപകടത്തില്‍ ആര്‍ക്കും പരുക്കേറ്റതായി റിപ്പോര്‍ട്ടില്ല.