കക്കട്ടില്‍: സംസ്ഥാന പാതയില്‍ കുളങ്ങരത്ത് കരിങ്കല്‍ ക്വാറിക്ക് സമീപം പതിനൊന്ന് കെ.വി ലൈനില്‍ വീണ തെങ്ങ് ചേലക്കാട് നിന്നെത്തിയ അഗ്നിരക്ഷാസേനുടെ അവസരോചിത ഇടപെടലിലൂടെ മുറിച്ചുമാറ്റിയത് ഒഴിവാക്കിയത് വന്‍ അപകടം.
പി.ഡബ്ല്യു.ഡി സ്ഥലത്തെ തെങ്ങാണ് ഇലക്ട്രിക് പോസ്റ്റിനോട് ചേര്‍ന്ന് ലൈനില്‍ തങ്ങിനിന്നത്. കക്കട്ട് ഇലക്ട്രിക് സെക്ഷനിലും ഫയര്‍ സ്റ്റേഷനുകളിലും സമീപവാസികള്‍ വിളിച്ചറിയിച്ചതിനെ തുടര്‍ന്ന് ഫയര്‍‌സ്റ്റേഷന്‍ അധികൃതരെത്തി അപകടം ഒഴിവാക്കാനുള്ള മുന്‍കരുതലെടുക്കുകയും കെ.എസ്.ഇ.ബിയില്‍നിന്ന് സബ് എന്‍ജിനിയര്‍ ഉള്‍പ്പെടെയുള്ളവരും എത്തിയതോടെ പൊലിസിന്റെയും നാട്ടുകാരുടെയും സഹായത്തോടെ തെങ്ങ് മുറിച്ചുമാറ്റുകയായിരുന്നു. ഫയര്‍‌സ്റ്റേഷന്‍ ഓഫിസര്‍ വാസിത്ത്, ലീഡിങ് ഫയര്‍മാന്‍ രാംദാസ്, ഫയര്‍മാന്‍മാരായ ഷൈജു, അനില്‍, ശ്രീനേഷ്, ഷൈജില്‍, വിനീത് എന്നിവര്‍ നേതൃത്വം നല്‍കി.