പൂക്കോട്ടുംപാടം: വൃക്ക തകരാറിലായി ചികിത്സയില്‍ കഴിയുന്ന യുവതിക്ക് കൈത്താങ്ങായി സ്വകാര്യ ബസ് ഉടമയും ജീവനക്കാരും. പൂക്കോട്ടുംപാടം അച്ചാറും കമ്പനി ബാവക്കുത്ത് സുഹ്‌റയുടെ ചികിത്സാ ചെലവിലേക്ക് പണം കണ്ടെത്താനാണ് ബിസ്മില്ലാഹ് ബസ് ഒരു ദിനം സര്‍വിസ് നടത്തിയത്. തുവ്വൂര്‍ സ്വദേശി കൊടിയില്‍ ഹമീദിന്റെ ഉടമസ്ഥയിലുള്ള സ്വകാര്യ ബസാണ് കാരുണ്യ യാത്ര നടത്തിയത്. നിര്‍ധനയായ സുഹ്‌റയുടെ ചികിത്സക്കാവശ്യമായപണം സ്വരൂപിക്കാനായി ജനകീയ സമിതി പ്രവര്‍ത്തനം ആരംഭിച്ചിരുന്നു.ബസിന്റെ ഡീസല്‍ ചെലവ് ഒഴി കെയുള്ള മുഴുവന്‍ കളക്ഷനും ചികിത്സാ സഹായത്തിന് നല്‍കി. കാരുണ്യ യാത്രക്ക് ബസ് ജീവനക്കാരായ അക്ബര്‍, രാജേഷ്, ഷാനവാസ്, അജേഷ് തുടങ്ങിയവര്‍ നേതൃത്വം നല്‍കി.