തിരുവനന്തപുരം: സ്ത്രീകള്‍ക്കെതിരായ അതിക്രമങ്ങള്‍ക്കെതിരേ തിരുവനന്തപുരം പ്രസ് ക്ലബുമായി ചേര്‍ന്ന് കേരള കാര്‍ട്ടൂണ്‍ അക്കാദമി സംഘടിപ്പിക്കുന്ന ഏകദിന കാര്‍ട്ടൂണ്‍ പ്രദര്‍ശനം ഇന്നു നടക്കും. രാവിലെ 11ന് പ്രസ് ക്ലബ് ഹാളില്‍ ജയില്‍ എ.ഡി.ജി.പി ആര്‍.ശ്രീലേഖ പ്രദര്‍ശനം ഉദ്ഘാടനം ചെയ്യും. യേശുദാസന്‍, ഇ.പി.ഉണ്ണി, സുരേന്ദ്ര, പി.വി.കൃഷ്ണന്‍, ഗോപീകൃഷ്ണന്‍, സുജിത്, ബൈജു പൗലോസ്, ടി.വി.ജി.മേനോന്‍, പ്രസന്നന്‍ ആനിക്കാട്, ഏലിയാസ് ജോണ്‍, ജി.ഹരി, മധു ഓമല്ലൂര്‍, ഉണ്ണികൃഷ്ണന്‍, സുധീര്‍നാഥ് തുടങ്ങിയവര്‍ ഉള്‍പ്പടെയുള്ളവരുടെ രചനകള്‍ പ്രദര്‍ശനത്തിനുണ്ട്.