തിരുവനന്തപുരം: സ്റ്റേറ്റ് സെന്‍ട്രല്‍ ലൈബ്രറിയുടെ ഈ വര്‍ഷത്തെ സമ്മര്‍ സ്‌കൂളിന് നാളെ തുടക്കം. രാവിലെ ഒന്‍പത് മണിക്ക് മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും. വി.എസ് ശിവകുമാര്‍ എം.എല്‍.എ അധ്യക്ഷനാകും. കാലാവസ്ഥാ വ്യതിയാനം, പുസ്തക വായന എന്ന ആശയങ്ങള്‍ മുന്നോട്ടു വയ്ക്കുന്ന സമ്മര്‍ സ്‌കൂളില്‍ പ്രശസ്തരുമായുള്ള മുഖാമുഖം, ക്വിസ്, ചലച്ചിത്ര ഛായാഗ്രഹണം, സയന്‍സ്, മാലിന്യ സംസ്‌കരണം, ഗ്രീന്‍ പ്രോട്ടോകോള്‍, ഊര്‍ജ സംരക്ഷണം, ഒറിഗാമി, മാജിക്, യോഗ തുടങ്ങി വിവിധ വിഷയങ്ങളില്‍ ചര്‍ച്ച, സംവാദം, ക്ലാസുകള്‍ എന്നിവയുണ്ടാകും.