കല്‍പ്പറ്റ: സംഘടനാ ശാക്തീകരണവും ഒരു വര്‍ഷത്തേക്കുള്ള പ്രവര്‍ത്തന പദ്ധതിയും ലക്ഷ്യമാക്കി മെയ് രണ്ട്, മൂന്ന് തിയതികളില്‍ ജില്ലയിലെ 14 മേഖലാ ഭാരവാഹികളെയും ജില്ലാ കൗണ്‍സിലര്‍മാരെയും പങ്കെടുപ്പിച്ച് ജാഗരണം-2017 എന്ന പേരില്‍ ജില്ലാ നേതൃ ക്യാംപ് വാളാട് നടത്താന്‍ എസ്.വൈ.എസ് ജില്ലാ കമ്മിറ്റി തീരുമാനിച്ചു. ഉമറലി ശിഹാബ് തങ്ങള്‍ അനുസ്മരണവും സംസ്ഥാന കമ്മിറ്റി നടപ്പിലാക്കുന്ന 'സലഫിസം വിചാരണ ചെയ്യപ്പെടുന്നു' എന്ന കാംപയിനിന്റെ ഭാഗമായി ചര്‍ച്ചാ സംഗമവും ഏപ്രില്‍ 25ന് കല്‍പ്പറ്റയില്‍ നടത്താനും തീരുമാനിച്ചു. ജില്ലാ വൈസ് പ്രസിഡന്റ് സി.പി ഹാരിസ് ബാഖവി അധ്യക്ഷനായി. കെ.സി.കെ തങ്ങള്‍, ഇ.പി മുഹമ്മദലി, മുജീബ് ഫൈസി, എം അബ്ദുറഹ്മാന്‍ ഹാജി, എടപ്പാറ കുഞ്ഞമ്മദ്, ഹാരിസ് ബനാന  സംസാരിച്ചു. മുഹമ്മദ് കുട്ടി ഹസനി സ്വാഗതവും കെ.എ നാസര്‍ മൗലവി നന്ദിയും പറഞ്ഞു.