പയ്യന്നൂര്‍: ഉത്തമ സമൂഹസൃഷ്ടിക്ക് കലകളുടെ സ്വാധീനം അനിവാര്യമാണെന്നും സമൂഹം ധാര്‍മികതയിലൂന്നിയ കലയേയും സാഹിത്യത്തേയും പ്രോത്സാഹിപ്പിക്കാന്‍ രംഗത്ത് വരണമെന്നും സമസ്ത കേരള ജംഇയ്യത്തുല്‍ ഉലമ സെക്രട്ടറി പി.പി ഉമര്‍ മുസ്‌ലിയാര്‍. പാലക്കോട് ഖിദ്മത്തുല്‍ ഇസ്‌ലാം മദ്‌റസയില്‍ നടന്നുവന്ന സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ ഇസ്‌ലാമിക് കലാമേള സമാപന സമ്മേളനം  ഉദ്ഘാടനം ചെയ്യുകയായിരുന്നു അദ്ദേഹം. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനായി. സയ്യിദ് ഹാരിസലി ശിഹാബ് തങ്ങള്‍ ചാംപ്യന്‍ഷിപ്പ് വിതരണം ചെയ്തു. പാണക്കാട് സയ്യിദ് ജൗഹറലി ശിഹാബ് തങ്ങള്‍ സര്‍ട്ടിഫിക്കറ്റും നൗഫലലി ശിഹാബ് തങ്ങള്‍ സമ്മാനദാനവും നിര്‍വഹിച്ചു. മമ്മൂട്ടി വയനാട് മുഖ്യപ്രഭാഷണം നടത്തി. കെ.കെ മുഹമ്മദ്, സുകുമാരന്‍, ബിലാല്‍ മുസ്തഫ, അബ്ദുറഹ്മാന്‍ ദാരിമി വേശാല, കെ.  പി.പി തങ്ങള്‍, കെ.സി മൊയ്തു മൗലവി, അബ്ദുല്‍സലാം ഇരിക്കൂര്‍, അഫ്‌സല്‍ രാമന്തളി, കെ.സി അബ്ദുല്‍ ഖാദര്‍, ലത്തീഫ് ഫൈസി പറമ്പായി, സുഹൈല്‍ തടിക്കടവ്, സജീര്‍ കാടാച്ചിറ, ബഷീര്‍ പുളിങ്ങോം, അബ്ദുല്‍ സലാം പെരുമളാബാദ് സംസാരിച്ചു.