ന്യൂഡല്‍ഹി: ഉത്തര്‍പ്രദേശിന്റെ മുഖ്യ തെരഞ്ഞെടുപ്പ് പ്രചാരക സ്ഥാനം പ്രിയങ്കാഗാന്ധിക്ക് നല്‍കിയേക്കും. പ്രിയങ്കയ്ക്ക് ഉത്തര്‍പ്രദേശിന്റെ ചുമതല നല്‍കിക്കൊണ്ടുള്ള പ്രഖ്യാപനം ഉടന്‍ ഉണ്ടാവുമെന്നാണ് സൂചന. ഷീലാ ദീക്ഷിതിനെ മുഖ്യമന്ത്രി സ്ഥാനാര്‍ഥിയായും പ്രഖ്യാപിക്കും.

കഴിഞ്ഞ തവണത്തെ തെരഞ്ഞെടുപ്പില്‍ റായിബറേലിയിലും അമേലിയിലും പ്രിയങ്കാഗാന്ധി പ്രചാരണത്തിനായി ഇറങ്ങിയിരുന്നു. ഇത്തവണ പ്രചാരണത്തിന്റെ മുഖ്യ പങ്ക് പ്രിയങ്ക തന്നെ വഹിക്കണമെന്നാണ് പാര്‍ട്ടിയുടെ സംസ്ഥാന നേതാക്കള്‍ ആവശ്യപ്പെട്ടത്.