തൃശൂര്‍: ജിഷ്ണുവിന്റെ മരണവുമായി ബന്ധപ്പെട്ട കേസില്‍ രണ്ടാം പ്രതി സഞ്ജിത്ത് വിശ്വനാഥന്‍ അറസ്റ്റിലായി. ഇയാളെ ഇരിങ്ങാലക്കുട ഡി.വൈ.എസ്.പി ഓഫിസില്‍ വച്ച് ചോദ്യം ചെയ്യുകയാണ്. കോടതിയില്‍ നിന്ന് മുന്‍കൂര്‍ ജാമ്യം ലഭിച്ചതിനാല്‍ ഇയാളെ ചോദ്യം ചെയ്ത ശേഷം വിട്ടയക്കും.

കേസില്‍ പ്രതികളെ അറസ്റ്റ് ചെയ്യണമെന്നാവശ്യപ്പെട്ട് ജിഷ്ണുവിന്റെ അമ്മ മഹിജ സമരം നടത്തി അതിനെതിരെ പൊലിസ് ക്രൂരമായ നടപടികള്‍ സ്വീകരിക്കുകയും ചെയ്തതിന്റെ പശ്ചാതലത്തിലാണ് പുതിയ അറസ്റ്റുണ്ടാവുന്നത്.

കേസിലെ ഒന്നാംപ്രതി നെഹ്‌റു ഗ്രൂപ്പ് ചെയര്‍മാന്‍ പി കൃഷ്ണദാസിനെ ഇന്നലെ അറസ്റ്റ് ചെയ്ത് വിട്ടയച്ചിരുന്നു. കോടതിയുടെ മുന്‍കൂര്‍ ജാമ്യാനുവാദം ഉള്ളതിനാലാണ് ഇയാളെയും വിട്ടയച്ചത്.