ന്യൂഡല്‍ഹി: വിസ്ഡന്‍ ക്രിക്കറ്റര്‍ പുരസ്‌കാരം ഇന്ത്യന്‍ ക്യാപ്റ്റന്‍ വിരാട് കോഹ്‌ലിക്ക്. 2016ല്‍ മികച്ച പ്രകടനം നടത്തിയവരില്‍ കോഹ്‌ലിയാണ് മുന്നിട്ടു നിന്നത്. ഈ പ്രകടനങ്ങള്‍ പുരസ്‌കാരത്തിന് പരിഗണിച്ചിട്ടുണ്ട്. ഇതോടൊപ്പം ശ്രീലങ്ക, വെസ്റ്റിന്‍ഡീസ്, ന്യൂസിലന്‍ഡ്, ഇംഗ്ലണ്ട്, ബംഗ്ലാദേശ്, ആസ്‌ത്രേലിയ തുടങ്ങിയ ടീമുകള്‍ക്കെതിരേ നേടിയ ജയവും പുരസ്‌കാരത്തിന് പരിഗണിച്ചു.
75.93 ശരാശരിയോടെ 1215 റണ്‍സാണ് കഴിഞ്ഞ സീസണില്‍ താരം നേടിയത്. 10 ഏകദിനത്തില്‍ നിന്ന് 739 റണ്‍സും. ടി20യില്‍ 641 റണ്‍സുമാണ് താരം നേടിയത്. ഒരു കലണ്ടര്‍ വര്‍ഷത്തില്‍ ഇത്രയും റണ്‍സ് നേടിയ താരങ്ങളില്‍ കോഹ്‌ലിക്ക് മുന്നില്‍ ആറു താരങ്ങള്‍ മാത്രമേയുള്ളൂ. എന്നാല്‍ ശരാശരിയില്‍ കോഹ്‌ലിക്ക് പിന്നിലാണ് ഈ താരങ്ങള്‍.