ഗസ്സ: ഇസ്‌റാഈലിനെ ലക്ഷ്യംവയ്ക്കാന്‍ കഴിയുന്ന വിധത്തില്‍ ദീര്‍ഘദൂര മിസൈല്‍ വികസിപ്പിച്ചെടുത്തതായി ഫലസ്തീന്‍ ചെറുത്തുനില്‍പ്പ് പ്രസ്ഥാനമായ ഇസ്‌ലാമിക് ജിഹാദ്. അധിനിവേശജറൂസലേമും തെല്‍അവീവും വരെ ലക്ഷ്യംവയ്ക്കാന്‍ കഴിയുന്ന മിസൈലുകള്‍ കൈവശം ഉണ്ടെന്നും അതിനാല്‍ ഇനി ഇസ്‌റാഈല്‍ അതിക്രമങ്ങള്‍ ഉണ്ടായാല്‍ അവര്‍ക്ക് വിസ്മയം ഉണ്ടാവുന്ന വിധത്തിലുള്ള തിരിച്ചടി നല്‍കാന്‍ കഴിയുമെന്നും ഇസ്‌ലാമിക് ജിഹാദിന്റെ ആക്രമണ വിഭാഗമായ അല്‍ ഖുദ്‌സ് ബ്രിഗേഡ് വക്താവ് അബൂ ഹംസ പറഞ്ഞു. അധിനിവേശ സൈന്യം പിടികൂടിയ തങ്ങളുടെ പോരാളികളുടെ മോചനം ഉറപ്പാക്കും. ഫലസ്തീന്‍ പ്രദേശങ്ങളില്‍ അധിനിവേശ സൈന്യത്തിന് യതൊരു സ്ഥാനവുമില്ല. ഒരിക്കല്‍ ഫലസ്തീന്റെ ചെറുത്തുനില്‍പ്പിന്റെ ശേഷി ഇസ്‌റാഈലിന് അംഗീകരിക്കേണ്ടിവരുമെന്നും അദ്ദേഹം മുന്നറിയിപ്പ് നല്‍കി.