വടകര: കുഞ്ഞിപ്പള്ളി റെയില്‍വേ ഗേറ്റ് അടച്ചിട്ട സാഹചര്യത്തില്‍ റെയില്‍വേ ട്രാക്ക് മുറിച്ചു കടക്കുന്നതിനായി ലെവല്‍ ക്രോസ് ഭാഗത്ത് അടിപ്പാത സ്ഥാപിക്കണമെന്ന് അഴിയൂര്‍ ഗ്രാമപഞ്ചായത്ത് മുന്‍കൈയെടുത്ത് വിളിച്ച ജനകീയ കണ്‍വന്‍ഷന്‍ ആവശ്യപ്പെട്ടു.
ജനപ്രതിനിധികള്‍, സാമൂഹിക-രാഷ്ട്രീയ-വ്യാപാരി സംഘടന പ്രതിനിധികള്‍, റസിഡന്‍സ് അസോസിയേഷന്‍ അംഗങ്ങള്‍ തുടങ്ങിയവര്‍ യോഗത്തില്‍ പങ്കെടുത്തു.
എം.എല്‍.എമാര്‍, എം.പിമാര്‍ അടക്കമുള്ള ജനപ്രതിനിധികളുടേയും മറ്റും സഹകരണത്തോടെ ജനകീയ കൂട്ടായ്മ ഒരുക്കി അടിപ്പാത യാഥാര്‍ഥ്യമാക്കാന്‍ തീരുമാനിച്ചു. കണ്‍വന്‍ഷന്‍ വടകര ബ്ലോക്ക് പഞ്ചായത്ത് പ്രസിഡന്റ് കോട്ടയില്‍ രാധാകൃഷ്ണന്‍ ഉദ്ഘാടനം ചെയ്തു.
ഗ്രാമപഞ്ചായത്ത് പ്രസിഡന്റ് ഇ.ടി അയ്യൂബ് അധ്യക്ഷനായി. ജില്ലാ പഞ്ചായത്ത് മെംബര്‍ എ.ടി ശ്രീധരന്‍, എന്‍.കെ സജിത്ത്കുമാര്‍, ഇ.എം ദയാന്ദന്‍, പി. ബാബുരാജ്, കെ. അന്‍വര്‍ ഹാജി, പ്രദീപ് ചോമ്പാല, സി. സുഗതന്‍, കെ.വി രാജന്‍, പി. പ്രമോദ്, കെ.എ സുരേന്ദ്രന്‍, ഷമീര്‍ കല്ലാമല, ശുഭ മുരളീധരന്‍, പി. ഷാഹുല്‍ ഹമീദ്, ചാപ്പയില്‍ ഭരതന്‍, പി.കെ രാമചന്ദ്രന്‍ സംസാരിച്ചു.