തിരുവനന്തപുരം: ഭക്ഷ്യപൊതുവിതരണ രംഗത്ത് സമീപകാലത്തുണ്ടായ ഗുണകരമായ മാറ്റങ്ങളെക്കുറിച്ച് മാധ്യമപ്രവര്‍ത്തകരെ അറിയിക്കുവാനും വകുപ്പ് നടപ്പാക്കുന്ന ജനോപകാരപ്രദമായ പ്രവര്‍ത്തനങ്ങള്‍ കൂടുതല്‍ മെച്ചപ്പെടുത്താന്‍ മാധ്യമപ്രവര്‍ത്തകരില്‍ നിന്ന് ക്രിയാത്മക നിര്‍ദേശങ്ങള്‍ സ്വീകരിക്കുന്നതിനുമായി തിരുവനന്തപുരം പ്രസ്‌ക്ലബില്‍ മാധ്യമ ശില്‍പശാല നാളെ (ഫെബ്രുവരി 27) നടക്കും.  രാവിലെ 10 ന് നടക്കുന്ന ശില്‍പശാല ഭക്ഷ്യപൊതുവിതരണവകുപ്പു മന്ത്രി പി. തിലോത്തമന്‍ ഉദ്ഘാടനം ചെയ്യും. വകുപ്പിന്റെ കൈപുസ്തകമായ 'ഭദ്രതയും' ഉപഭോക്തൃകാര്യ വകുപ്പിന്റെ ദ്വൈമാസികയായ 'ഉപഭോക്തൃകേരളവും' ചടങ്ങില്‍ മന്ത്രി പ്രകാശനം ചെയ്യും.
ഭക്ഷ്യപൊതുവിതരണ വകുപ്പ് സെക്രട്ടറി മിനി ആന്റണി അധ്യക്ഷയാകുന്ന ചടങ്ങില്‍ വകുപ്പ് ഡയറക്ടര്‍ നരസിഹുഗാരി റ്റി.എന്‍. റെഡ്ഡി, ഭക്ഷ്യ പൊതുവിതരണ കമ്മിഷണര്‍ സി.എ. ലത, ജില്ലാ സപ്ലൈ ഓഫിസര്‍ ജലജ ജി.എസ്. റാണി തുടങ്ങിയവരും സംബന്ധിക്കും.