കൊടകര: നെല്ലായി വയലൂര്‍ മഹാദേവ ക്ഷേത്രത്തില്‍ ശിവരാത്രി ഉത്സവം നാളെ വൈകിട്ട് എട്ടിനു കൊടിയേറുമെന്നും മാര്‍ച്ച് ആറിനു രാവിലെ 10ന് ആറാട്ടോടെ സമാപിക്കുമെന്നും ക്ഷേത്രം ട്രസ്റ്റി ജാതവേദന്‍ നമ്പൂതിരി, ഉത്സവാഘോഷ കമ്മിറ്റി സെക്രട്ടറി എന്‍. വിനീത്, കമ്മിറ്റി അംഗം ആര്‍. ഉണ്ണികൃഷ്ണന്‍, പി. പ്രവീണ്‍ വാര്‍ത്താസമ്മേളനത്തില്‍ അറിയിച്ചു.
കൊടിയേറ്റം മുതല്‍ ദിവസവും വൈകിട്ട് വിവിധ കലാപരിപാടികള്‍ ഉണ്ടാവും. മാര്‍ച്ച് നാലിന് ശിവരാത്രി ദിവസം പുലര്‍ച്ചെ മൂന്നിന് നടതുറപ്പ്, നാലിന് അഷ്ടപദി, രാവിലെ ആറിന് ഭക്തിഗാനമേള, ഒന്‍പത് മുതല്‍ പഞ്ചാരിമേളം, 12.30 മുതല്‍ പ്രസാദം ഊട്ട്, 3.30 ന് ചാക്യാര്‍ കൂത്ത്, രാത്രി 7.30ന് അന്നമനട പരമേശ്വര മാരാരുടെ നേതൃത്വത്തില്‍ മേജര്‍ സെറ്റ് പഞ്ചവാദ്യം തുടര്‍ന്ന് പാണ്ടിമേളം, തിരുവാതിര കളി എന്നിവ ഉണ്ടാവും.