തിരുവനന്തപുരം: നിയമസഭയില്‍ മുഖ്യമന്ത്രി നല്‍കിയ ഉറപ്പിന്റെ അടിസ്ഥാനത്തില്‍ ഹര്‍ത്താല്‍ നിയന്ത്രിക്കാന്‍ മുഖ്യമന്ത്രി സര്‍വകക്ഷി യോഗം വിളിച്ചു.
അടുത്ത മാസം 14ന് മുഖ്യമന്ത്രിയുടെ ചേംബറിലാണ് യോഗം നടക്കുക. അപ്രതീക്ഷിത ഹര്‍ത്താലുകള്‍ ജനജീവിതം ദുസഹമാക്കുന്ന സാഹചര്യത്തിലാണ് മുഖ്യമന്ത്രിയുടെ ഇടപെടല്‍. ഹര്‍ത്താലിനെ നിയന്ത്രിക്കാന്‍ നിയമം കൊണ്ടുവരണമെന്ന് പ്രതിപക്ഷം നിയമസഭയില്‍ ആവശ്യപ്പെട്ടിരുന്നു.

സര്‍വകക്ഷി യോഗം വിളിച്ചു ചേര്‍ക്കാമെന്ന് അന്ന് മുഖ്യമന്ത്രി വാക്ക് കൊടുക്കുകയും ചെയ്തു. ഹര്‍ത്താലിന് ഏഴു ദിവസം മുമ്പെങ്കിലും നോട്ടീസ് നല്‍കണമെന്ന് ഹൈക്കോടതി നിര്‍ദേശിച്ചെങ്കിലും പെരിയ ഇരട്ടക്കൊലപാതകത്തോടെ കോടതി നിര്‍ദേശം കോണ്‍ഗ്രസ് ലംഘിച്ചു. ഇവയുടെ പശ്ചാത്തലത്തില്‍ കൂടിയാണ് യോഗമെന്നാണ് സൂചന.