ശ്രീനഗര്‍: ഈദ് ദിനത്തിലും ജമ്മുകശ്മിരില്‍ സംഘര്‍ഷം. ഇരുപതുകാരന്‍ മരിച്ചു. അനന്തനാഗിലുണ്ടായ സംഘര്‍ഷത്തിലാണ് യുവാവ് കൊല്ലപ്പെട്ടത്. പത്തോളം പേര്‍ക്ക് സംഘര്‍ഷത്തില്‍ പരിക്കേറ്റിട്ടുണ്ട്.പ്രക്ഷോഭകരെ പിരിച്ചുവിടാന്‍ പൊലിസ് കണ്ണീര്‍ വാതകവും പെല്ലറ്റ് തോക്കുകളും ഉപയോഗിച്ചു. കഴിഞ്ഞ ദിവസം സൈന്യത്തിന്റെ വെടിവയ്പില്‍ കൗമാരക്കാരന്‍ കൊല്ലപ്പെട്ടതില്‍ പ്രതിഷേധിച്ചായിരുന്നു ജനം തെരുവിലിറങ്ങിയത്. സൈന്യത്തിനു നേരെ കല്ലേറുണ്ടായതോടെയാണ് പൊലിസ് കണ്ണീര്‍ വാതകവും പെല്ലറ്റ് തോക്കുകളും ഉപയോഗിച്ചത്.അനന്ത്‌നാഗില്‍ കൂടാതെ ഷോപ്പിയാനിലും സൈന്യത്തിന് നേരെ കല്ലേറുണ്ടായി. അതിനിടെ നൗഷാരയില്‍ പാകിസ്താന്‍ നടത്തിയ ആക്രമണത്തില്‍ സൈനികന്‍ കൊല്ലപ്പെട്ടിട്ടുണ്ട്. മണിപ്പൂര്‍സ്വദേശി വികാസ് (21)ആണ് വീരമൃത്യു വരിച്ചത്.