അംഗങ്ങള്‍ക്ക് വിദേശത്ത് മത്സരിക്കാന്‍ അവസരം
വളപട്ടണം: വളപട്ടണം ടൗണ്‍ സ്‌പോര്‍ട്‌സ് ക്ലബിന്റെ ആഭിമുഖ്യത്തില്‍ നടന്നുവരുന്ന സൗജന്യ ഫുട്‌ബോള്‍ കോച്ചിങ് ക്യാംപിലെ നാലു പേര്‍ക്ക് വിദേശത്ത് കളിക്കാന്‍ അവസരം. അബു അഫ്രിത്, ബി.ടി അന്‍ഷിഫ്, എം ഷഫീഖ്, മുഹമ്മദ് അര്‍ഫാസ് എന്നിവര്‍ക്കാണ് ദുബായ് ഇന്റര്‍നാഷണല്‍ സൂപ്പര്‍ കപ്പ് 2017 അണ്ടര്‍ 16 വിഭാഗം ഫുട്‌ബോള്‍ ടൂര്‍ണമെന്റില്‍ പങ്കെടുക്കാന്‍ അവസരം ലഭിച്ചത്. നിരവധി വിദേശ രാജ്യങ്ങളില്‍ പ്രവര്‍ത്തിക്കുന്ന അല്‍ ഇത്തിഹാദ് അക്കാദമി ടീമി
നായി ബൂട്ടണിയുന്ന ഇവര്‍ക്ക് ടൗണ്‍ സ്‌പോര്‍ട്‌സ് ക്ലബ്ബ് ഇന്നലെ യാത്രയയപ്പ് നല്‍കി. യോഗം ക്ലബ് സെക്രട്ടറി എളയടത്ത് അഷറഫ് ഉദ്ഘാടനം ചെയ്തു. ക്ലബ്ബ് പ്രസിഡന്റ് ടി.വി അബ്ദുല്‍ മജീദ് ഹാജി അധ്യക്ഷനായി. ക്ലബ്ബ് വക ഉപഹാരവും യാത്രാചിലവും നല്‍കി.