ശ്രീനഗര്‍: ജമ്മു കശ്മീരില്‍ അപ്രതീക്ഷിതമായുണ്ടായ ഹിമപാതത്തില്‍ കാണാതായ സൈനികരില്‍ രണ്ട് പേര്‍ മരിച്ചതായി റിപ്പോര്‍ട്ട്. ഒരാളെ ഇതുവരെ കണ്ടെത്തിയിട്ടില്ല. ഇയാള്‍ക്കായി തെരച്ചില്‍ തുടരുകയാണ്. തെരച്ചിലിനായി പ്രത്യേകം പരിശീലനം ലഭിച്ച ഹിമപാത രക്ഷാടീമിനെ നിയോഗിച്ചിട്ടുണ്ട്.

ലഡാക്കിലെ ബടാലിക് സെക്ടറിലാണ് അപകടമുണ്ടായത്.

ബടാലിക് സെക്ടറില്‍ അതിര്‍ത്തി സുരക്ഷയ്ക്കായി ഒരുക്കിയ സൈനിക പോസ്റ്റിനു മുകളിലേക്കാണ് മഞ്ഞിടിഞ്ഞുവീണത്.

പോസ്റ്റില്‍ ഡ്യൂട്ടിയിലുണ്ടായിരുന്ന അഞ്ചു സൈനികരും മഞ്ഞിനടിയില്‍പ്പെട്ടിരുന്നു. ഇവരില്‍ രണ്ടു പേരെ നേരത്തെ രക്ഷപ്പെടുത്തി.