തൃശൂര്‍: ലോക്‌സഭാ തെരഞ്ഞെടുപ്പില്‍ തൃശൂര്‍ മണ്ഡലത്തില്‍ വീണ്ടും മത്സരിക്കാന്‍ ആഗ്രഹം പ്രകടിപ്പിച്ച് സി.എന്‍ ജയദേവന്‍ എം.പി. തെരഞ്ഞെടുപ്പില്‍ മത്സരിക്കുമോ എന്ന ചോദ്യത്തിനാണ് അദ്ദേഹം ആഗ്രഹം വീണ്ടും തുറന്ന് പറഞ്ഞത്. തെരഞ്ഞെടുപ്പില്‍ മത്സരിക്കാതിരിക്കാനുള്ള സാഹചര്യമൊന്നും ഇപ്പോള്‍ നിലവിലില്ല. തനിക്കെതിരേ മണ്ഡലത്തില്‍ എതിര്‍പ്പുകളുമില്ല. പല മാധ്യമങ്ങളും തന്റെ പേരും മറ്റു പലരുടെ പേരുകളും സി.പി.ഐ സ്ഥാനാര്‍ഥിയുടേതായി പറയുന്നുണ്ട്. എന്നാല്‍ ഇപ്പോള്‍ അക്കാര്യം സ്ഥിരീകരിക്കാന്‍ കഴിയില്ലെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു. സി.പി.എം കേന്ദ്രകമ്മിറ്റിയംഗം കെ. രാധാകൃഷ്ണനും അദ്ദേഹത്തോടൊപ്പമുണ്ടായിരുന്നു.