കൊട്ടാരക്കര: ഉമ്മന്നൂരില്‍ ശക്തമായ ഇടിമിന്നലില്‍ വീടും വീട്ടുപകരണങ്ങളും നശിച്ചു. ഉമ്മന്നൂര്‍ മുകളുവിള കോളനിയില്‍ രഘുഭവനില്‍ പ്രസന്നയുടെ വീടിന്റെ മേല്‍ക്കൂര പൂര്‍ണമായും തകര്‍ന്ന് ഭിത്തികള്‍ വിണ്ടുകീറി. വീട്ടുപകരണങ്ങള്‍ പൂര്‍ണമായി കത്തിനശിച്ചു. മെയിന്‍ സ്വിച്ച് പൊട്ടിത്തെറിക്കുകയും ചെയ്തു. വ്യാഴാഴ്ച രാത്രിയിലാണ് സംഭവം. സമീപത്തെ വീടുകളിലെ ഡിഷ് ആന്റിനകള്‍ തെറിച്ച് പോയി. അയല്‍വാസിയായ തങ്കമ്മയുടെ ആഭരണങ്ങള്‍ ഊരിത്തെറിച്ചു. വളര്‍ത്തുനായ്ക്കള്‍ പലതും ഇടിയുടെ ആഘാതത്തില്‍ ബോധം കെട്ട് വീണു. സമീപത്തെ പല വീടുകളിലും ചെറിയ നാശനഷ്ടങ്ങള്‍ ഉണ്ടായിട്ടുണ്ട്.