സമാറ: ഗ്രൂപ്പ് ഘട്ടത്തിലെ ആദ്യ മത്സരത്തില്‍ സെര്‍ബിയയോട് ഒരു ഗോളിന് തോറ്റെങ്കിലും അപൂര്‍വ റെക്കോര്‍ഡ് സ്വന്തമാക്കിയാണ് കോസ്റ്റ റിക്ക മത്സരം അവസാനിപ്പിച്ചത്. കോസ്റ്റ റിക്കന്‍ ലോകകപ്പ് ചരിത്രത്തിലെ ഏറ്റവും പ്രായം കൂടിയ ടീമായിരുന്നു സെര്‍ബിയക്കെതിരേ ഇന്നലെ ഇറങ്ങിയത്.
കോസ്റ്റ റിക്ക ഇലവന്റെ ശരാശരി പ്രായം 29 വയസും 346 ദിവസവും ആയിരുന്നു. 2006ല്‍ ഇക്വഡോറിനെതിരേ ഇറങ്ങിയ കോസ്റ്റ റിക്കന്‍ ടീമിനെയാണ് പ്രായത്തിന്റെ കാര്യത്തില്‍ ടീം മറികടന്നത്. 29 വയസും 345 ദിവസവുമായിരുന്നു അന്നത്തെ കോസ്റ്റ റിക്കന്‍ ടീമിന്റെ ശരാശരി പ്രായം. അര്‍ജന്റീന കഴിഞ്ഞാല്‍ രണ്ടാമത്തെ വയസന്‍ പടയാണ് ഈ ലോകകപ്പില്‍ കോസ്റ്റ റിക്കയുടേത്.