നെയ്യാറ്റിന്‍കര: വീട്ടുവളപ്പില്‍ കഞ്ചാവ് ചെടി നട്ടുവളര്‍ത്തിയ ഗൃഹനാഥനെ  നെയ്യാറ്റിന്‍കര  എക്‌സൈസ്  സംഘം അറസ്റ്റ് ചെയ്തു. അരുവിക്കര പുന്നാവൂര്‍ കൊട്ടറത്തലവിള കണ്ണേറ് പുത്തന്‍വീട്ടില്‍  രാധാകൃഷ്ണന്‍നായരാണ് അറസ്റ്റിലായത്.  ഇയാളുടെ വീട്ടുവളപ്പില്‍ നിന്നും നാല് കഞ്ചാവ് ചെടികള്‍ കണ്ടെത്തി. നെയ്യാറ്റിന്‍കര എക്‌സൈസ് സി.ഐ രാജാസിംഗിനു ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. എക്‌സൈസ്  ഇന്‍സ്‌പെക്ടര്‍ പി.എല്‍.ഷിബു , അസി.എക്‌സൈസ് ഇന്‍സ്‌പെക്ടര്‍ മോഹന്‍രാജ് , പ്രിവന്റീവ് ഓഫിസര്‍ വിജയന്‍, സിവില്‍ എക്‌സൈസ്  ഓഫിസര്‍മാരായ ജയകൃഷ്ണന്‍, സുഭാഷ്‌കുമാര്‍, അനീഷ്‌കുമാര്‍ എന്നിവര്‍ പങ്കെടുത്തു.