താമരശ്ശേരി: ഭാരത് സ്‌കൗട്ട്‌സ് ആന്‍ഡ് ഗൈഡ്‌സ് താമരശ്ശേരി ജില്ലാഅസോസിയേഷന്‍ കട്ടിപ്പാറ കരിഞ്ചോല മലയില്‍ ഉരുള്‍പൊട്ടലില്‍ ഭവനരഹിതരായവര്‍ക്ക് നിര്‍മിച്ച് നല്‍കുന്ന വീടിന്റെ ശിലാസ്ഥാപനം കാരാട്ട്‌റസാഖ് എം.എല്‍.എ ഉദ്ഘാടനം ചെയ്തു. കട്ടിപ്പാറ പഞ്ചായത്ത് വൈസ് പ്രസിഡന്റ് നിധീഷ്
കല്ലുള്ളതോട് അധ്യക്ഷനായി. ജില്ലാ വിദ്യാഭ്യാസ ഓഫിസര്‍ എന്‍. മുരളി, അസിസ്റ്റന്റ് സ്‌റ്റേറ്റ് ഓര്‍ഗനൈസിങ് കമ്മിഷണര്‍ പി. പ്രശാന്ത്, ജില്ലാ സെക്രട്ടറി വിറ്റി ഫിലിപ്‌സ്, വി.ഡി സേവ്യര്‍, ശിവിച്ചന്‍, എം.എ അബ്രഹാം, എം.ഇ ഉണ്ണികൃഷ്ണന്‍, ത്രേസ്യാമ തോമസ്, വിനോദിനി, ഷംസുദ്ദീന്‍ സംസാരിച്ചു. ചെമ്പ്രകുണ്ടയില്‍ കനിവ് ചാരിറ്റബിള്‍ ട്രസ്റ്റ് സൗജന്യമായി നല്‍കിയ സ്ഥലത്താണ് സ്‌കൗട്ടസ് ആന്‍ഡ് ഗൈഡ്‌സ് വിദ്യാര്‍ഥികള്‍ സ്വരൂപിച്ച പണംഉപയോഗിച്ച് സ്‌നേഹസദനം നിര്‍മിക്കുന്നത്.