വടവന്നൂര്‍ : കൊല്ലങ്കോട് ടൗണില്‍ സമയക്രമീകരണത്തില്‍ മാറ്റമില്ല. ബസുകളുടെ മരണപ്പാച്ചില്‍ തുടരുന്നു.
ഗോവിന്ദാപുരം- തൃശൂര്‍ റൂട്ടുകളിലെ ബസുകളാണ് ഒരുമിനിറ്റും ഒന്നര മിനിറ്റുകളുടെയും വ്യത്യാസത്തില്‍ മരണപ്പാച്ചില്‍ നടത്തുന്നത്.
ഇതുമൂലം കൊല്ലങ്കോട് , നെന്മാറ, വടക്കഞ്ചേരി ബസ്റ്റാന്റുകളില്‍ ബസ് ജീവനക്കാര്‍ തമ്മില്‍ പരസ്പരം നിരന്തരമായ വഴക്കിടലുകള്‍ ഉണ്ടാവാറുണ്ടെങ്കിലും ഇതിനെതിരേ നടപടിയെടുക്കുവാന്‍ മട്ടര്‍വാഹന വകുപ്പും പൊലിസും തയാറാവാത്തതിനാല്‍ ബസുകള്‍ തമ്മിലുള്ള പ്രശ്‌നം യാത്രക്കാരെ പെരുവഴിയിലാക്കുന്ന അവസ്ഥയിലെത്തിച്ചിരിക്കുകയാണ്. ബസുകലുടെ മരണപ്പാച്ചില്‍മൂലം അപകടങ്ങളും പാതിയില്‍ യാത്ര അവസാനിപ്പിക്കേണ്ട യാത്രക്കാരും വര്‍ധിച്ചതിനാല്‍ ജില്ലാ പൊലിസ് മേധാവിയും ജില്ലാ മോട്ടോര്‍ വാഹന ഉദ്യോഗസ്ഥരും ഇടപെട്ട് പ്രശ്‌നങ്ഹള്‍ പരിഹരിക്കണമെന്നാണ് നാട്ടുകാരുടെ ആവശ്യം.