കോട്ടയം: സമസ്തയുടെ ജില്ലാതല ഇസ്‌ലാമിക കലാമേള ഇന്ന് ചങ്ങനാശേരിയില്‍ പഴയപള്ളിയില്‍ നടക്കും. സമസ്ത കേരള ജം ഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലിന്റെ ആഭിമുഖ്യത്തില്‍ മെയ് 12,13 ന് കാസര്‍കോട് നടക്കുന്ന സംസ്ഥാന കലാമേളയ്ക്ക് മുന്നോടിയായാണ് ജില്ലാ പരിപാടി സംഘടിപ്പിക്കുന്നത്.
കോട്ടയം,തലയോലപ്പറമ്പ്, ഈരാറ്റുപേട്ട, ചങ്ങനാശേരി തുടങ്ങിയ മേഖലകളിലെ സമസ്ത കേരള ഇസ് ലാം മതവിദ്യാഭ്യാസ ബോര്‍ഡിന്റെ അംഗീകൃത മദ്രസകളില്‍ നിന്നും മേഖലാതല മത്സരങ്ങളില്‍ വിജയികളായവരാണ് ജില്ലാതല മത്സരത്തില്‍ മാറ്റുരക്കുക.രാവിലെ ഏഴിന് ചങ്ങനാശേരി പളയ പള്ളിയിലെ തങ്ങള്‍മാരുടെ കബറിടത്തില്‍ നടക്കുന്ന കൂട്ട സിയാറത്തിന് ശേഷം സ്വാഗത സംഘം ചെയര്‍മാന്‍ ഹാജി എസ്.എം ഫുവാദ് പതാക ഉയര്‍ത്തും.
തുടര്‍ന്ന് ഇസ്ലാമിക കലാമേളകള്‍ നടക്കും. വൈകുന്നേരം അഞ്ചിന് സമാപന സമ്മേളനം എം.എല്‍.എ സി.എഫ് തോമസ് ഉദ്ഘാടനം ചെയ്യും. സ്വാഗത സംഘം ചെയര്‍മാന്‍ ഹാജി എസ്.എം ഫുവാദ് അധ്യക്ഷനാകും.
ചങ്ങനാശേരി മുനിസിപ്പല്‍ ചെയര്‍മാന്‍ സെബാസ്റ്റ്യന്‍ മാത്യു മണലേല്‍ സമ്മാനദാനം നിര്‍വഹിക്കും. കോട്ടയം തിരുനക്കര പുത്തന്‍പള്ളി ചീഫ് ഇമാം മഅ്മൂന്‍ ഹുദവി വണ്ടൂര്‍ അവാര്‍ഡ് നിര്‍വഹിക്കും.
പഴയപള്ളി ചീഫ് ഇമാം സിറാജുദ്ദീന്‍ അല്‍ഖാസിമി മുഖ്യപ്രഭാഷണം നടത്തും.
സമസ്ത ഓര്‍ഗനൈസര്‍ ഒ.എം ശരീഫ് ദാരിമി, തലയോലപ്പറമ്പ് മുഹ്‌യിദ്ധീന്‍ ജുമാമസ്ജീദ് ചീഫ് ഇമാം അബ്ദുര്‍ റഹീം മുസ്‌ലിയാര്‍ എന്നിവര്‍ അനുഗ്രഹ പ്രഭാഷണം നടത്തും. സി.മുഹ്‌യിദ്ധീന്‍ ബാഖവി ,മുഹമ്മദ് ഹാരിസ്, കെ.എ ഷെരീഫ്കുട്ടി ഹാജി, മുഹമ്മദ് ഹാരിസ്,മുഹമ്മദ് അലി അല്‍കാശിമി, മാഹീന്‍ അബൂബക്കര്‍ ഫൈസി,എ.എസ്.എം ലബ്ബ, അസ്ഹറുദ്ദീന്‍ നിസാമി, കുഞ്ഞ് മൊയ്തീന്‍ മുസ്‌ലിയാര്‍, മുഹമ്മദ് ബശീര്‍ അല്‍ഖാസിമി,കെ.എ അബ്ദുല്‍ ഖാദിര്‍ കൊച്ച് കാഞ്ഞിരം,മുഹമ്മദ് ഹാഷിം, താജുദ്ദീന്‍ പി.എച്ച്, സുഹൈല്‍ വാഫി, അലി മദനി, മുസ്തഫ സുഹ്‌രി, സക്കീര്‍ ഹുസൈന്‍ മൗലവി, ടി.പി ഷാജഹാന്‍, വി.പി സുബൈര്‍ മൗലവി, ഹക്കീം പാറയില്‍ സംസാരിക്കും.