ശ്രീകണ്ഠപുരം: എട്ടു വയസുകാരിയായ നാടോടി പെണ്‍കുട്ടിയെ പീഡിപ്പിച്ച യുവാവിനെ പൊലിസ് അറസ്റ്റുചെയ്തു.
പാലക്കാട് അട്ടപ്പാടിയിലെ അന്തോണി എന്ന വിനോദിനെയാണ്(26) സി.ഐ വി. വിലതീഷും സംഘവും പിടികൂടിയത്. കഴിഞ്ഞ അഞ്ചു വര്‍ഷത്തോളമായി ശ്രീകണ്ഠപുരം ഓത്ത് പാലത്തിന് സമീപത്തെ ക്വാര്‍ട്ടേഴ്‌സിലാണ് ഇയാള്‍ താമസം. കഴിഞ്ഞ തിങ്കളാഴ്ചയായിരുന്നു കേസിനാസ്പദ സംഭവം. ആക്രി സാധനങ്ങള്‍ ശേഖരിച്ച് ഉപജീവനം നടത്തുന്ന നാടോടി കുടുംബത്തിലെ ബാലികയെയാണ് ഇയാള്‍ പീഡിപ്പിച്ചത്. പെണ്‍കുട്ടി വിവരം അമ്മയെ അറിയിച്ചതിനെ തുടര്‍ന്നു പൊലിസില്‍ പരാതി നല്‍കുകയായിരുന്നു. പ്രതിയെ കോടതി റിമാന്‍ഡ് ചെയ്തു.