ന്യൂഡല്‍ഹി: സൈന്യത്തിലെ മൂന്ന് മേധാവിമാരും സംയുക്ത സൈനിക മേധാവി ബിപിന്‍ റാവത്തു അല്‍പസമയത്തിനകം മാധ്യമങ്ങളെ കാണും.അപൂര്‍വ്വമായിട്ടാണ് ഇത്തരത്തിലൊരു വാര്‍ത്താസമ്മേളനം.

കൊവിഡ് വ്യാപനവും മൂലം രാജ്യം സാമ്പത്തിക സാമൂഹികവുമായ പലതരം പ്രതിസന്ധികള്‍ നേരിടുന്നതിനിടെയാണ് സേനാമേധാവിമാരുടെ സംയുക്തവാര്‍ത്താസമ്മേളനം വരുന്നത്.അസാധാരണ പ്രതിസന്ധിയിലൂടെ കടന്നു പോകുന്ന ഘട്ടത്തില്‍ ചട്ടക്കൂടുകള്‍ക്കപ്പുറം നിന്നു കൊണ്ട് സേവനം നല്‍കാന്‍ സൈന്യം സന്നദ്ധമാണെന്ന് കഴിഞ്ഞ ആഴ്ച ബിപിന്‍ റാവത്ത് പറഞ്ഞിരുന്നു.

ഇന്ത്യന്‍ സൈന്യത്തിന്റെ കര, നാവിക, വ്യോമ വിഭാഗങ്ങളിലെല്ലാം കൊവിഡ് വൈറസ് ബാധ റിപ്പോര്‍ട്ട് ചെയ്‌തെങ്കിലും വളരെ പരിമിതമായ തോതില്‍ മാത്രമാണ് കൊവിഡ് വ്യാപനമുണ്ടായത്.