സുല്‍ത്താന്‍ ബത്തേരി: ദേശീയപതയോരത്ത് മൂലങ്കാവ് സെന്റ്‌ജോസ് പള്ളിക്കും ശിവക്ഷേത്രത്തിനു മുന്നിലുമായി  നിറുത്തിയിട്ടിരുന്ന 20-ഓളം ചരക്ക്‌ലോറികളുടെ ടയറിന്റെ കാറ്റാണ് സാമൂഹ്യവിരുദ്ധര്‍ കുത്തിയത്. ഇന്നലെ പുലര്‍ച്ചെ രണ്ട് മണിയോടെയാണ് സംഭവം. ഹര്‍ത്താലില്‍ കുടുങ്ങിയ ലോഡുമായെത്തിയ ലോറികളാണ് ഇവിടെ പാര്‍ക്ക് ചെയ്തിരുന്നത്. കര്‍ണാടക, തമിഴ്‌നാട്, ആന്ധ്രാ എന്നീ സംസ്ഥാനങ്ങളില്‍ നിന്നും ചരക്കുമായി എത്തിയതാണ് ലോറികള്‍. ലോറി സമരത്തെ തുടര്‍ന്ന് കഴിഞ്ഞ മൂന്ന് ദിവസമായി മുത്തങ്ങയില്‍ നിറുത്തിയിട്ടിരുന്നതാണ് ഈ ലോറികള്‍. തുടര്‍ന്ന് ഹര്‍ത്താലിനെ തുടര്‍ന്ന് മൂലങ്കാവില്‍ എത്തി. ഇവിടെ കാത്ത് കിടക്കുമ്പോഴാണ് സാമൂഹ്യവിരുദ്ധര്‍ ടയറിന്റെ കാറ്റ് കുത്തി ഒഴിവാക്കിയത്.