പരിശീലന വിമാനങ്ങളുടെ അപകടങ്ങള്‍ വര്‍ദ്ധിക്കുന്ന സാഹചര്യത്തില്‍ പൈലറ്റുമാര്‍ ഉള്‍പ്പെടെയുള്ള വ്യോമഗതാഗതരംഗത്തെ പ്രൊഫഷണലുകളുടെ പരിശീലനം ഓഡിറ്റ് ചെയ്യാന്‍ നിര്‍ദേശം നല്‍കി ഡിജിസിഎ. രാജ്യത്തെ വിവിധ ഫ്‌ലയിങ് ഓര്‍ഗനൈസേഷനുകളിലാണ് പരിശോധന നടത്തുക. ട്രെയിനിംഗ് സെന്ററുകളിലെ സുരക്ഷാ ക്രമീകരണങ്ങള്‍, പ്രവര്‍ത്തന രീതികള്‍, പരിശീലന നിലവാരം തുടങ്ങിയ കാര്യങ്ങളുടെ പരിശോധന നവംബര്‍ മാസത്തിനുള്ളില്‍ പൂര്‍ത്തിയാക്കണമെന്നാണ് ഡിജിസിഎ നിര്‍ദ്ദേശം. 2022 ലാണ് അവസാനമായി ഇത്തരം പരിശോധന നടന്നത്.

കഴിഞ്ഞ ഏതാനും മാസങ്ങള്‍ക്കിടെ നിരവധി പരിശീലന വിമാനങ്ങളാണ് അപകടത്തില്‍പ്പെട്ടത്. ഈ വര്‍ഷം മധ്യപ്രധേശിലും ബംഗാളിലും പരിശീലന വിമാനങ്ങള്‍ അപകടത്തില്‍പ്പെട്ട് പൈലറ്റ് മാര്‍ക്ക് പരിക്കേറ്റിരുന്നു. ഇത്തരത്തില്‍ ഇടക്കിടെയുണ്ടാകുന്ന അപകടങ്ങളുടെ പശ്ചാതലത്തിലാണ് ഡിജിസിഎയുടെ തീരുമാനം. പൈലറ്റുമാര്‍ക്കും മറ്റു സാങ്കേതിക വിദഗ്ധര്‍ക്കും ലഭിക്കുന്ന പരിശീലനത്തില്‍ അപാകതകളുണ്ടെന്ന ആശങ്കകള്‍ ഉയര്‍ന്ന സാഹചര്യത്തില്‍ പരിശീലനത്തിന് ഉപയോഗിക്കുന്ന വിമാനങ്ങളുടെ ഗുണനിലവാരം, പരിപാലനത്തിലെ അപാകത തുടങ്ങിയ കാര്യങ്ങള്‍ ഇടക്കിടെയുണ്ടാകുന്ന അപകടത്തിന് കാരണമാകുന്നുണ്ടോ എന്നും ഡിജിസിഎ ഓഡിറ്റില്‍ പരിശോധിക്കും.

Concerns over rising training flight accidents prompt DGCA to conduct audits of pilot training programs, ensuring adherence to safety standards and regulations