പാനൂര്‍: ബസ്സ്റ്റാന്റ് ബൈപ്പാസ് റോഡിന്റെ ശോച്യാവസ്ഥ പരിഹരിക്കണമെന്നാവശ്യപ്പെട്ട് ഇന്നലെ ബസ്സുകള്‍ പണിമുടക്കി. തീര്‍ത്തും ശോച്യാവസ്ഥയിലായ ബൈപാസ് റോഡ് റിപ്പയര്‍ ചെയ്തില്ലെങ്കില്‍  വെള്ളി മുതല്‍ ബൈപാസ് വഴി ബസ്സുകള്‍ ഓടില്ലെന്ന് നേരത്തെ പ്രഖ്യാപിച്ചിരുന്നു. എന്നാല്‍ യാതൊരു നടപടിയും ഇല്ലാത്തതിനാല്‍ ബസുകള്‍ വെള്ളിയാഴ്ച ബൈപാസ് ബഹിഷ്‌കരിച്ചെങ്കിലും ഇത് പൊലിസ് അനുവദിച്ചില്ല. തുടര്‍ന്ന് ബസുകള്‍ പണിമുടക്കുകയായിരുന്നു. പിന്നീട് ബസ് തൊഴിലാളികളും പൊലിസും നഗരസഭാ അധികൃതരും തമ്മില്‍ നടന്ന ചര്‍ച്ചയില്‍ 25നകം ബൈപാസ് താര്‍ ചെയ്യുമെന്ന ഉറപ്പില്‍ ഉച്ചക്ക് ശേഷം ബസ് സര്‍വിസ് പുനരാരംഭിച്ചു.