നടുവണ്ണൂര്‍:  കോട്ടൂര്‍ ഗ്രാമപഞ്ചായത്തിലെ മൂലാട് പറുകുന്നത്ത്മീത്തല്‍ സജീവന്‍ (42) ഗുരുതരമായി കരള്‍രോഗം ബാധിച്ച് കോഴിക്കോട് മെഡിക്കല്‍ കോളേജ് ആസ്പത്രിയില്‍ ചികിത്സയിലാണ്.
രണ്ട് മാസത്തിനകം കരള്‍ മാറ്റിവെയ്ക്കല്‍ ശസ്ത്രക്രിയ നടത്തണം. ഭാര്യ വിജിത കരള്‍ പകുത്തുനല്‍കും. ശസ്ത്രക്രിയയ്ക്ക് 30 ലക്ഷം രൂപ ചെലവുവരും. ഇതുവഹിക്കാനുള്ള കഴിവ് കുടുംബത്തിനില്ല. നിര്‍മാണത്തൊഴിലാളിയായ സജീവന് രോഗം പിടിപെട്ടതോടെ കുടുംബത്തിന്റെ നിത്യച്ചെലവും പത്താം തരത്തില്‍ പഠിക്കുന്ന ഏകമകളുടെ തുടര്‍പഠനവും വഴിമുട്ടിയിരിക്കയാണ്.
അച്ഛനും അമ്മയും രോഗികളുമാണ്. ഓലക്കുടിലിലാണ് കുടുംബം കഴിയുന്നത്. ഈ സാഹയര്യത്തില്‍ മൂന്ന് വാര്‍ഡിലെ ജനങ്ങള്‍ ചേര്‍ന്ന് ജനപ്രതിനിധികളുടെ സാന്നിധ്യത്തില്‍ സഹായകമ്മിറ്റിയുണ്ടാക്കി. ഗ്രാമപഞ്ചായത്തംഗം സി. ഗിരിജ (ചെയ.), പി.കെ. ശശി, (കണ്‍.), സി.കെ. വിജയന്‍ (ഖജാ.) എന്നിവര്‍ ഭാരവാഹികളാണ്. നിധി സ്വരൂപിക്കാന്‍ ഫെഡറല്‍ ബാങ്ക് പേരാമ്പ്ര ശാഖയില്‍ 14150100162806 നമ്പറില്‍ അക്കൗണ്ട് തുറന്നിട്ടുണ്ട്. ഉദാരമതികള്‍ സഹായിക്കണമെന്ന് ഭാരവാഹികള്‍ അഭ്യര്‍ഥിച്ചു. സി. എച്. സുരേഷ്, സി. രാഘവന്‍, എ. വിനോദ്കുമാര്‍, സി.കെ. സൂപ്പി, എം. ബാലകൃഷ്ണന്‍, പി. വിജയന്‍ എന്നിവര്‍ പത്രസമ്മേളനത്തില്‍ സംബന്ധിച്ചു.