ആലക്കോട്: ആലക്കോട് ഫിലിം സൊസൈറ്റി രണ്ടു ദിവസമായി നടത്തിവന്ന അന്താരാഷ്ട്ര ഫിലിം ഫെസ്റ്റിവല്‍ സമാപിച്ചു. ആലക്കോട് വ്യാപാര ഭവനില്‍ വച്ചായിരുന്നു പ്രദര്‍ശനം. ആദിമധ്യാന്തമായിരുന്നു ഉദ്ഘാടന ചിത്രം. നിരൂപകരുടെ പ്രശംസ പിടിച്ചുപറ്റിയ പതിനാലോളം ചിത്രങ്ങള്‍ ഫെസ്റ്റിവലില്‍ പ്രദര്‍ശിപ്പിച്ചു. സംവിധായകന്‍ ഷെറി ഉദ്ഘാടനം ചെയ്തു.
ആലക്കോട് പഞ്ചായത്ത് പ്രസിഡന്റ് മോളി മാനുവല്‍ മുഖ്യാഥിതിയായി. എ.ആര്‍ പ്രസാദ് അധ്യക്ഷനായി. ബിന്നി മാത്യു, കെ.പി സാബു, സി.എം ജോസ്, സക്കറിയാസ് കുളമാംകുഴി, എ.ആര്‍ പ്രദീപ് സംസാരിച്ചു.