പയ്യന്നൂര്‍: എടാട്ട് ദേശീയപാതയോരത്ത് അപകട ഭീഷണിയുയര്‍ത്തി അറുപത്തഞ്ച് വര്‍ഷത്തോളം പഴക്കമുള്ള കൂറ്റന്‍ പ്ലാവ്. ഒട്ടേറെ വാഹനങ്ങള്‍ കടന്നുപോകുന്ന ദേശീയ പാതയോരത്ത് തലയുയര്‍ത്തി നിറയെ കായ്ച്ച് നിന്നിരുന്ന പ്ലാവ് അടുത്തിടെയാണ് ഉണങ്ങാന്‍ തുടങ്ങിയത്. നാട്ടുകാരും പരിസ്ഥിതി പ്രവര്‍ത്തകരും ഫോറസ്റ്റോഫിസില്‍ വിവരം അറിയിച്ചെങ്കിലും യാതൊരു നടപടിയും ഉണ്ടായിട്ടില്ല. ഹൈവേ വികസനത്തിനായി പ്ലാവ് മുറിച്ച് മാറ്റപ്പെടുമെങ്കിലും സമീപത്തെ ത്രീ സ്റ്റാര്‍ ഹോട്ടലിനു മുന്നില്‍ വളര്‍ന്ന പ്ലാവ് മനപ്പൂര്‍വം ഉണക്കിയതാണെന്നാണ് നാട്ടുകാര്‍ പറയുന്നത്. വനം വകുപ്പിന്റെ അനുവാദത്തോടെ ഹൈവേ ഡിപ്പാര്‍ട്ടുമെന്റിനാണ് പ്ലാവ് മുറിച്ച് മാറ്റേണ്ട ഉത്തരവാദിത്വം.