ചാവക്കാട്: ഖുര്‍ആന്‍ സ്റ്റഡീ സെന്റര്‍ ചാവക്കാട് സംഘടിപ്പിക്കുന്ന തഖ്ദീസ് അവധിക്കാല പഠന ക്യാംപിനു തുടക്കമായി. ചാവക്കാട് വ്യാപാര ഭവനില്‍ നടക്കുന്ന ക്യാംപ് ബഷീര്‍ ഫൈസി ദേശമംഗലം ഉദ്ഘാടനം ചെയ്തു.
ജനറല്‍ കണ്‍വീനര്‍ ടി.കെ അബ്ദുല്‍ സലാം അധ്യക്ഷനായി. മജിഷ്യന്‍ ആര്‍.കെ മലയത്ത് ക്ലാസ് നയിച്ചു. ഷഫീഖ് ഫൈസി കായംകുളം, തെക്കരകത്ത് കരീം ഹാജി, അബ്ദുല്‍ ഖാദര്‍ ഹാജി, ഹിഷാം ഒരുമനയൂര്‍, പി.കെ സഗീര്‍, എ.കെ ഷഹ്‌സാദ്, എം.എ സഫീര്‍, ശിയാസ്, അബ്ദുല്‍ റസാഖ്, ഷാഫി വാഫി സംസാരിച്ചു.
ക്യാംപ് ഏപ്രില്‍ 23 വരെ നീണ്ടു നില്‍ക്കും. നൂറിലധികം തിരഞ്ഞെടുക്കപ്പെട്ട വിദ്യാര്‍ഥികളാണ് തഖ്ദീസില്‍ പഠന ക്യാംപിന് റജിസ്റ്റര്‍ ചെയ്തിട്ടുള്ളത്. ഇന്ന് മാപ്പിള കലാ അക്കാദമി ചെയര്‍മാന്‍ പി.എച്ച് അബ്ദുല്ല മാസ്റ്റര്‍ കലാസാഹിത്യങ്ങള്‍ സുകൃതം വഴി സ്വര്‍ഗത്തിലേക്ക് എന്ന വിഷയത്തില്‍ ക്ലാസ് നയിക്കും.