കൊടുങ്ങല്ലൂര്‍: ഡോ. ബി.ആര്‍ അംബേദ്കറിന്റെ 127-ാം ജന്മദിനം  ആഭിമുഖ്യത്തില്‍ ദേശീയോത്സവമായി ആഘോഷിക്കുമെന്ന് ഡോ. അംബേദ്കര്‍ ജന്മദിനാഘോഷ കമ്മിറ്റി. ഏപ്രില്‍ 14 ന് രാവിലെ 9.30 ന് ടൗണ്‍ഹാളിന് മുന്‍പില്‍ എട്ട് വിളക്ക് തെളിയിക്കല്‍, വൈകീട്ട് 3 ന് കാവില്‍ക്കടവില്‍ നിന്നും പുറപ്പെടുന്ന സാംസ്‌കാരിക ഘോഷയാത്ര, തുടര്‍ന്ന് 5.30 ന് നടക്കുന്ന സാംസ്‌കാരിക സമ്മേളനം കാസര്‍കോട് ആദിവാസി ഊരുമൂപ്പന്‍ മറുവന്‍ ഉദ്ഘാടനം ചെയ്യും.
പ്രൊഫ. എം.കെ സാനു മുഖ്യപ്രഭാഷണം നടത്തും. വി.ആര്‍ സുനില്‍കുമാര്‍ എം.എല്‍.എ, നഗരസഭ ചെയര്‍മാന്‍ സി.സി വിപിന്‍ ചന്ദ്രന്‍  സംബന്ധിക്കും. തുടര്‍ന്ന് പുരസ്‌കാര സമര്‍പ്പണം, പ്രതിഭകളെ ആദരിക്കല്‍, കലാപരിപാടികള്‍, രാത്രി 8 ന് മിത്താരം വായ്‌മൊഴി പാട്ടുകള്‍ എന്നിവ നടക്കും.