കരുനാഗപ്പള്ളി: വാക്കാവിനു സമീപം പാചകവാതകവുമായി വന്ന ടാങ്കറിന്റെ ടയറില്‍ നിന്ന് പുകയുംതീയും ഉയര്‍ന്നത് പരിഭ്രാന്തി പരത്തി. ടാങ്കര്‍ നിര്‍ത്തി തീയണച്ചതിനാല്‍ വന്‍ ദുരന്തം ഒഴിവായി. സംഭവത്തെ തുടര്‍ന്നു ദേശീയപാതിയില്‍ ഗതാഗതം തടസപ്പെട്ടു.
ബുധനാഴ്ച്ച രാവിലെ 11.20 നോടെ ദേശീയ പാതയില്‍ വവ്വാക്കാവിന് സമീപം പുലിയന്‍കുളങ്ങര ഫാര്‍മസി കോളേജിന് സമീപത്തായിരുന്നു സംഭവം. കൊച്ചിയില്‍ നിന്നും പാചകവാതകവുമായി കൊല്ലത്തേക്ക് വന്ന ക്യാപ്‌സ്യൂള്‍ ടാങ്കറിന്റെ
പിന്നില്‍ ഇടതുവശത്തെ ടയറിലാണ് തീയും പുകയും കണ്ടത്. റോഡിന് വശത്തുനിന്നവ രുടെ ശ്രദ്ധയില്‍പ്പെട്ടതിനാല്‍ ഡ്രൈവര്‍ ടാങ്കര്‍ വശത്തെ പഴയ ഹൈവേയിലേക്ക് ഒഴിച്ചു നിര്‍ത്തുകയായിരുന്നു. തീ കൃത്യ സമയത്ത് അണക്കാനായത് വന്‍ദുരന്തം ഒഴിവാക്കി.