പൊന്നാനി: പുതുപൊന്നാനിയില്‍  മുസ്‌ലിം ലീഗിന്റെ സ്തൂപങ്ങള്‍ തകര്‍ത്തു. പുതുപൊന്നാനി മുനമ്പം ബീവി ജാറത്തിന് സമീപം സ്ഥാപിച്ച  ബോര്‍ഡുകളാണ് കഴിഞ്ഞ ദിവസം രാത്രിയില്‍ വ്യാപകമായി തകര്‍ത്തത്.
 ദിവസങ്ങള്‍ക്ക് മുമ്പ്  മുസ്‌ലിം ലീഗ് പ്രവര്‍ത്തകന് മര്‍ദനമേറ്റിരുന്നു. ഇതിന്റെ തുടര്‍ച്ചയായാണ് ലീഗ് സ്ഥാപിച്ച സ്തൂപം  തകര്‍ത്തത്. നേരത്തേ ലീഗ് വരച്ച പാര്‍ട്ടി ചിഹ്നത്തിന് മേല്‍ കരിഓയില്‍ ഒഴിച്ച് നശിപ്പിച്ചിരുന്നു. സംഭവത്തിന് പിന്നില്‍ സി.പി.എം പ്രവര്‍ത്തകരാണെന്ന് ലീഗ് പ്രവര്‍ത്തകര്‍ നല്‍കിയ പരാതിയില്‍ പറയുന്നു. സി.പി.എമ്മിന്റെ ആക്രമണത്തിനെതിരേ നിരവധി തവണ പൊലിസില്‍ പരാതി നല്‍കിയിട്ടും  ഫലമുണ്ടായിട്ടില്ലെന്ന് ലീഗ് നേതാക്കള്‍ ആരോപിച്ചു.