പാറക്കടവ്: ചെക്യാട് പഞ്ചായത്ത് പതിനഞ്ചാം വാര്‍ഡിലെ അഞ്ചു റോഡുകളുടെ നിര്‍മാണ പ്രവൃത്തി ഉദ്ഘാടനം പഞ്ചായത്ത് പ്രസിഡന്റ് തൊടുവയില്‍ മഹമൂദ് നിര്‍വഹിച്ചു. താഴേ വടക്കയില്‍ പുതിയെടുത്ത് റോഡ്, കുയ്യണ്ടത്തില്‍ പള്ളിക്കണ്ടി റോഡ്, കുട പള്ളി കുഴിക്കാറ്റുകരമുക്ക് റോഡ്, ചീന്റവിടമുക്ക് റോഡ്, അങ്കണവാടി എന്നീ റോഡുകളുടെ നിര്‍മാണ പ്രവൃത്തിയാണ് ആരംഭിച്ചത്.
പഞ്ചായത്ത് അംഗം ആത്തിഖ മുഹമ്മദ് അധ്യക്ഷയായി. കെ.കെ വിനീഷ് , കെ.എം ഹംസ, കെ.പി മൂസ, കണിയാണ്ടി ഇസ്മായില്‍, ടി.വി അലി ഹാജി, ടി.വി ഇല്യാസ്, എം.ആര്‍ അമ്മദ് സംബന്ധിച്ചു.