തിരുവനന്തപുരം: ഡി.ജി.പി ഓഫിസിനു മുന്നില്‍ സമരത്തിനെത്തിയ മഹിജക്കും ബന്ധുക്കള്‍ക്കും നേരെ നടന്ന പൊലിസ് നടപടിയെ സംബന്ധിച്ച റിപ്പോര്‍ട്ട് ഐ.ജി മനോജ് അബ്രഹാം ഡി.ജി.പി ലോക്‌നാഥ് ബെഹ്‌റക്ക് സമര്‍പ്പിച്ചു.

ജിഷ്ണുവിന്റെ അമ്മ മഹിജക്കും കുടുംബാംഗങ്ങള്‍ക്കും നേരെയുള്ള പൊലിസ് നടപടിയില്‍ വീഴ്ച പറ്റിയിട്ടില്ലെന്നാണ് റിപ്പോര്‍ട്ടില്‍ പറയുന്നത്.

മഹിജയെ ചവിട്ടി വീഴ്ത്തി റോഡിലൂടെ വലിച്ചിഴച്ചെന്നുമുള്ള ആരോപണങ്ങള്‍ പൊലിസ് തള്ളി. പുറത്തു നിന്നുള്ള ചിലര്‍ സമരത്തിലേക്ക് തള്ളിക്കയറിയതാണ് പ്രശ്‌നങ്ങള്‍ക്കു കാരണമെന്നും ഇവര്‍ ഡി.ജി.പിയുടെ റൂമിനു മുന്നില്‍ വച്ച് ഗൂഢാലോചന നടത്തിയെന്നും റിപ്പോര്‍ട്ടിലുണ്ട്.