മണ്ണാര്‍ക്കാട്: കനിവ് കര്‍ക്കിടാംകുന്നിന്റെ നേതൃത്വത്തില്‍ സ്ത്രീകളുടെ സ്വയം രക്ഷക്കായി കരാട്ടെ പരിശീലനവും പൊതുജനാരോഗ്യ രക്ഷക്കായി യോഗ പരിശീലനവും തുടങ്ങി. ഐ.സി.എസ്.യു.പി സ്‌കൂളില്‍ നടന്ന പരിശീലന പരിപാടി ഗ്രാമപഞ്ചായത്ത് വൈസ്പ്രസിഡന്റ് മെഹര്‍ബാന്‍ ടീച്ചര്‍ ഉദ്ഘാടനം ചെയ്തു. കനിവ് പ്രസിഡന്റ് മുഹമ്മദ് അഷറഫ് അധ്യക്ഷനായി. മണ്ണാര്‍ക്കാട് സി.ഐ ഹിദായത്തുല്ല മാമ്പ്ര സ്ത്രീ സുരക്ഷ എന്നതിലും, യോഗാചാര്യന്‍ സന്തോഷ് മണ്ണാര്‍ക്കാട്, കരാട്ടെ മാസ്റ്റര്‍ ജിഷയും ക്ലാസെടുത്തു. ചടങ്ങില്‍ മികച്ച ഗ്രന്ഥശാല പ്രവര്‍ത്തകനുളള അവാര്‍ഡ് നേടിയ കേശവന്‍ നമ്പൂതിരി മാസ്റ്ററെ ആദരിച്ചു. പഞ്ചായത്തംഗങ്ങളായ രാധാകൃഷ്ണന്‍, രജി, കനിവ് ഭാരവാഹികളായ ടി.വി ഉണ്ണികൃഷ്ണന്‍, എം. അബൂബക്കര്‍, പി.കെ ഉമ്മര്‍ മാസ്റ്റര്‍ സംബന്ധിച്ചു. ഗീത സ്വാഗതവും പി.പി.കെ അബ്ദുറഹിമാന്‍ നന്ദിയും പറഞ്ഞു. 50 പേര്‍ക്കാണ് സൗജന്യ കരാട്ടെ പരിശീലനം നല്‍കുന്നത്.