ആനക്കര: വൈദ്യമഠം ചെറിയ നാരായണന്‍ നമ്പൂതിരി അനുസ്മരണവും പുരസ്‌കാര സമര്‍പണവും നടന്നു. ചെറിയ നാരായണന്‍ നമ്പൂതിരിയുടെ ജന്മദിനത്തില്‍ നടത്തി വരാറുള്ള ആചാര്യ ദിനത്തിലാണ് ചടങ്ങ് നടന്നത്. വൈകിട്ട് വൈദ്യമഠം വൈദ്യശാലാങ്കണത്തില്‍ നടന്ന ചടങ്ങ് ചിത്രകാരന്‍ ആര്‍ട്ടിസ്റ്റ് നമ്പൂതിരി ഉദ്ഘാടനം ചെയ്തു. വി.ടി ബല്‍റാം എം.എല്‍.എ അധ്യക്ഷനായി. ചെറിയ നാരായണന്‍ നമ്പൂതിരിയുടെ സ്മരണാര്‍ഥം ഏര്‍പ്പെടുത്തിയ പുരസ്‌കാരം ബാലചികിത്സ രംഗത്തെ പേരുകേട്ട ചികിത്സകനും സി.എന്‍.എസ് ചികിത്സാലയത്തിന്റെ സാരഥിയുമായ എം. ഗംഗാധരന്‍ വൈദ്യര്‍ക്ക് സാഹിത്യകാരന്‍ സി. രാധാകൃഷ്ണന്‍ സമര്‍പിച്ചു.