പട്ടഞ്ചേരി: മത്സ്യ ബന്ധനത്തിനായി കുളങ്ങള്‍ വിറ്റിക്കുന്നതിനെതിരേ പരാതിയുമായി നാട്ടുകാര്‍. പട്ടഞ്ചേരി, പെരുമാട്ടി, പെരുവെമ്പ്, കണ്ണാടി എന്നീ പഞ്ചായത്തുകളിലാണ് വളര്‍ത്തു മത്സ്യങ്ങള്‍ പിടിക്കുന്നതിനായി കുളങ്ങളിലെ വെള്ളം തുറന്നുവിടുന്നത് വ്യാപകമായിട്ടുള്ളത്.
ഇത്തരത്തില്‍ കുളങ്ങള്‍ വറ്റിക്കുന്നതിനെതിരേ കൃഷിവകുപ്പിനും പഞ്ചായത്തുകള്‍ക്കും പരാതി നല്‍കിയെങ്കിലും പരിശോധിക്കാനെത്തിയ ഉദ്യോഗസ്ഥര്‍ നടപടിയെടുക്കാതെ തിരിച്ചു പോവുകയാണുണ്ടായതെന്ന് നാട്ടുകാര്‍ പറയുന്നു.
പട്ടഞ്ചേരിയിലും നല്ലേപിള്ളിയിലുമായി പതിനൊന്ന് കുളങ്ങളാണ് മത്സ്യബന്ധനത്തിന്റെ പേരില്‍ വറ്റിച്ചിട്ടുള്ളത്. കുടിവെള്ള സ്രോതസുകളായ കിണറുകളിലെ ജലവിതാനം സംരക്ഷിക്കുന്നതിന് കുളങ്ങള്‍ വറ്റിക്കാതിരിക്കുന്നത് അത്യാവശ്യമായതിനാല്‍ കുളങ്ങള്‍ വറ്റിക്കാതെ മത്സ്യങ്ങളെ പിടുകൂടണമെന്നും വേനലില്‍ കുളങ്ങള്‍ വറ്റിക്കുന്നവര്‍ക്കെതിരേ നടപടിയെടുക്കണമെന്നും നാട്ടുകാര്‍ ആവശ്യപെട്ടു.