ഗുരുവായൂര്‍: ജീവകാരുണ്യ സംഘടനയായ സുകൃതം ഗുരുവായൂരിന്റെ ആഭിമുഖ്യത്തില്‍ വിഷു-ഈസ്റ്റര്‍ കൂട്ടായ്മ സംഘടിപ്പിച്ചു.തിരുവെങ്കിടം എല്‍.പി.സ്‌കൂളില്‍ നടന്ന കൂട്ടായ്മ ശ്രീകൃഷ്ണ കോളജ് പ്രിന്‍സിപ്പല്‍ ഡി.ജയപ്രസാദ് ഉദ്ഘാടനം ചെയ്തു. സുകൃതം പ്രസിഡന്റ് മേഴ്‌സി ജോയ് അധ്യക്ഷയായി. നഗരസഭ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍മാരായ എം.രതി, ഷൈലജ ദേവന്‍ എന്നിവര്‍ മുഖ്യപ്രഭാഷണം നടത്തി. വിഷു പലവ്യജ്ഞനകിറ്റ് വിതരണം പി.കെ.രാജേഷ് ബാബുവും പെന്‍ഷന്‍ വിതരണം വി.പി.ഉണ്ണികൃഷ്ണനും വിഷുകൈനീട്ട വിതരണം കീഴേടം രാമന്‍ നമ്പൂതിരിയും നിര്‍വഹിച്ചു.
റവ: ബ്രദര്‍ പ്രകാശ് പുത്തൂര്‍ ഈസ്റ്റര്‍ സന്ദേശം നല്‍കി. പൂക്കോട് കൃഷിഭവനിലെ സീനിയര്‍ അഗ്രിക്കള്‍ച്ചറല്‍ അസിസ്റ്റന്റ് സോമന്‍ വിഷു കാര്‍ഷിക ചിന്തകള്‍ പങ്കുവെച്ചു. ബാലന്‍ വാറനാട്ട്, രാജു കുപ്പായില്‍, നന്ദകുമാര്‍, വി.ബാലചന്ദ്രന്‍ സംസാരിച്ചു.