കല്‍പ്പറ്റ: രജിസ്റ്റര്‍ ചെയ്യാതെ അയല്‍ സംസ്ഥാനത്ത് നിന്നും എത്തുന്നവരെ മുത്തങ്ങ ചെക്ക്‌പോസ്റ്റ് വഴി ഇനി പ്രവേശിപ്പിക്കില്ല.
രജിസ്റ്റര്‍ ചെയ്യാതെ എത്തുന്നത് നിരീക്ഷണ സൗകര്യങ്ങള്‍ ഒരുക്കുന്നതിലടക്കം പ്രയാസങ്ങള്‍ സൃഷ്ടിക്കുന്ന സാഹചര്യത്തിലാണ് നടപടി. ഏതെങ്കിലും സാഹചര്യത്തില്‍ രജിസ്റ്റര്‍ ചെയ്ത വാഹനം ലഭ്യമായില്ലെങ്കില്‍ മറ്റ് വാഹനങ്ങള്‍ ഉപയോഗിക്കുന്നതിനായി യാത്രക്കാര്‍ പ്രത്യേകം വാഹന പാസിന് അപേക്ഷിക്കണം. റിട്ടേണ്‍ പെര്‍മിറ്റ് ഇല്ലാതെ എത്തുന്ന കര്‍ണാടക ടാക്‌സികളെയും സംസ്ഥാനത്തേക്ക് പ്രവേശിപ്പിക്കില്ല. കര്‍ണാടക സര്‍ക്കാരിന്റെ സേവാസിന്ധു പാസില്‍ രജിസ്റ്റര്‍ ചെയ്യാതെ എത്തുന്ന വാഹനങ്ങളെ തിരിച്ച് പോകാന്‍ കര്‍ണാടക അനുവദിക്കാത്ത സാഹചര്യത്തിലാണിത്.