മാള: അസംഘടിത തൊഴിലാളികളോടുള്ള കേന്ദ്ര സര്‍ക്കാര്‍ അവഗണന അവസാനിപ്പിക്കണമെന്ന് കേരള അസംഘടിത തൊഴിലാളി സംസ്ഥാന ജനറല്‍ സെക്രട്ടറി വി.എസ് പ്രിന്‍സ് ആവശ്യപ്പെട്ടു. കേരള അസംഘടിത തൊഴിലാളി ഫെഡറേഷന്‍ എ.ഐ.ടി.യു.സി കൊടുങ്ങല്ലൂര്‍ നിയോജക മണ്ഡലം കണ്‍വന്‍ഷന്‍ മാള വ്യാപാരഭവനില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംഗീത അനീഷ് അധ്യക്ഷയായി. വി.കെ ലതിക, കെ.വി വസന്ത് കുമാര്‍, ടി.എന്‍ വേണു, സാബു ഏരിമ്മല്‍, ഷാന്റി ജോസഫ് തട്ടകത്ത് എന്നിവര്‍ സംസാരിച്ചു. കൊടുങ്ങല്ലൂര്‍ മണ്ഡലം പ്രസിഡന്റായി ഷാന്റി ജോസഫ് തട്ടകത്ത്, സെക്രട്ടറി സാബു ഏരിമ്മല്‍, ട്രഷറര്‍ സി.ആര്‍ രാജീവ് എന്നിവരെ തിരഞ്ഞെടുത്തു.